Konbersu sábi: Pa mudjer kabuverdiana

Share

Tweet

Share

Share

Email

Comments

Por: Marciano Ramos Moreira*

//

N kre-bu txeu

oh nha dona

mai

irma

spoza

i tudu otu nhas

di sangi o kultura!

//

N kre-bu txeu

palavras di nhos garganta

ku signifikadu arku-iris

ki ekua na nha kurason

pa txiga di-nhos

na konpasu konbersu sabi

na ragas di es alfabetu

//

Nhos e fonti

di nha bida

farol

di nha kaminhu

stimulu

pa nhas luta

mas, sobritudu

kolegas di trinxera 

kunpanheras pa tudu sabura

//

Nha kurason ta sangra

ku kada dizaforu

izalta

ku kada konkista

pabia tudu nhas

ten ponta nhas

di sangi o papel pasadu

//

Oh, sin!

ki kes konkista bira digraus

firmi sima rotxa

pa labanta grau

di nos sabura

es e nhas votu

//

Pa konfins di tenpu

na nha kurason

un roza

na nha mon

un foisi

na nha obra

solidariedadi

na nha pena

N kre-bu txeu

// 

*Marsianu nha Ida padri Nikulau Ferera